ಆಂಧ್ರಪ್ರದೇಶ : ಜ್ಯೂನಿಯರ್ ಎನ್.ಟಿ.ಆರ್ ಮತ್ತು ರಾಮ್ ಚರಣ್ ಅಭಿನಯದ ರಾಜಮೌಳಿ ನಿರ್ದೇಶನದ ಪ್ಯಾನ್ ಇಂಡಿಯಾ ಸಿನಿಮಾ RRR ನ ರಿಲೀಸ್ ಗೆ ಚಿತ್ರ ತಂಡ 2 ದಿನಾಂಕವನ್ನು ಘೋಷಿಸಿದೆ.
ಕೊರೊನಾ ಆರ್ಭಟ ನೋಡಿಕೊಂಡು ಥಿಯೇಟರ್ ಗಳಲ್ಲಿ ಶೇ.100ರಷ್ಟು ಅವಕಾಶ ಸಿಕ್ಕಿದ ಮೇಲೆ ಸಿನಿಮಾ ರಿಲೀಸ್ ಮಾಡಲು ಪ್ಲ್ಯಾನ್ ಮಾಡಿಕೊಂಡಿದ್ದು, ಮಾರ್ಚ್ 18 ಅಥವಾ ಏಪ್ರಿಲ್ 28 ಕ್ಕೆ ಸಿನಿಮಾ ರಿಲೀಸ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ.
ರಾಜಮೌಳಿ ಸಿನಿಮಾಗಳು ಎಂದರೆ ಸಾಕು ಹೀರೋ ಯಾರೇ ಆಗಿರಲಿ ಆ ಸಿನಿಮಾ ಸೂಪರ್ ಹಿಟ್ ಅಂತಾನೆ ಅರ್ಥ..
ಮೇಕಿಂಗ್ ನಿಂದ ಹಿಡಿದು ಸಿನಿಮಾ ಪೂರ ದೃಶ್ಯ ವೈಭವ. ಇನ್ನು ದೊಡ್ಡ ದೊಡ್ಡ ಸ್ಟಾರ್ ಇಟ್ಕೊಂಡು ತೆರೆಗೆ ಅಪ್ಪಳಿಸಲಿಕ್ಕೆ ಬರ್ತಾ ಇರೋ RRR ಸಿನಿಮಾದ ಟ್ರೇಲರ್ ನೋಡಿದ್ರೇನೆ ಗೊತ್ತಾಗುತ್ತೆ.
ಪ್ರತಿ ಸೀನ್ ಗೂ ಕೋಟಿ ಕೋಟಿ ಹಣ ಸುರಿದಿದ್ದಾರೆ ಅಂತ.
ಪ್ಯಾನ್ ಇಂಡಿಯಾ ಮೂವಿ ಆಗಿರೋದ್ರಿಂದ ದೇಶ ವಿದೇಶಗಳಲ್ಲೂ ಸಿನಿಮಾ ರಾರಾಜಿಸಲಿದೆ, ಇಷ್ಟೆಲ್ಲಾ ಹಣ ಸುರಿದು, ಕಷ್ಟಪಟ್ಟು ಮಾಡಿರೋ ಚಿತ್ರವನ್ನು ಸರಿಯಾದ ಟೈಂಗೆ ರಿಲೀಸ್ ಮಾಡಿ ಗೆಲ್ಲಬೇಕು ಈ ಹಿನ್ನಲೆಯಲ್ಲಿ ಮಾರ್ಚ್ ಅಥವಾ ಏಪ್ರಿಲ್ ನಲ್ಲಿ RRR ಸಿನಿಮಾ ರಿಲೀಸ್ ಪಕ್ಕಾ ಎನ್ನಲಾಗುತ್ತಿದೆ.
