ಬೆಂಗಳೂರು: ಬೆಂಗಳೂರು ಮಾಹಾನಗರದಲ್ಲಿ ನಡು ಬೀದಿಯಲ್ಲಿ ರೌಡಿಗಳು,ಪುಂಡು ಪೋಕರಿಗಳು ಬಡಿದಾಡುವುದು ಸಾಮಾನ್ಯ.ಆದರೆ ಅದೇ ಮಾದರಿಯಲ್ಲಿ ಹುಡುಗಿಯರು ಹೊಡಿದಾಡಿರುವುದು ಅಚ್ಚರಿ ಮೂಡಿಸಿದೆ.
ಬೆಂಗಳೂರಿನ ಹೆಸರಾಂತ ಶಾಲೆಗಳ ಹುಡುಗಿಯರು ರೌಡಿಗಳಂತೆ ಹೊಡೆದಾಡಿಕೊಂಡ ದೃಶ್ಯ ಇದೀಗ ವೈರಲ್ ಆಗಿದೆ.
ಪ್ರತಿಷ್ಟಿತ ಬಿಷಪ್ಕಾಟನ್ ಹಾಗೂ ಬಾಲ್ಡ್ವಿನ್ಸ್ ವಿದ್ಯಾರ್ಥಿನಿಯರು
ನಡುರಸ್ತೆಯಲ್ಲೇ ರೌಡಿಗಳಂತೆ ಮನಬಂದಂತೆ ಹೊಡೆದಾಡಿದ್ದಾರೆ.
ಅದರಲ್ಲೂ ಹಾಕಿ ಸ್ಟಿಕ್ ಹಿಡಿದು ಗೂಂಡಾಗಳಂತೆ ಜಗಳವಾಡಿದ್ದಾರೆ.ಒಬ್ಬಳ ಜುಟ್ಟನ್ನು ಇನ್ನೊಬ್ಬಳು ಎಳೆದು ತದಕುವುದು ನೋಡಿದರೆ ಅಸಹ್ಯವಾಗುತ್ತದೆ.
ಇದೇನಾ ಶಾಲೆಗಳಲ್ಲಿ ಸ್ಟೂಡೆಂಟ್ಸ್ ಗೆ ನೈತಿಕತೆ ಕಲಿಸುತ್ತಿರುವುದು,ಇದಕ್ಕಾಗಿ ಲಕ್ಷ,ಲಕ್ಷ ಕೊಟ್ಟು ಸುಪ್ರಸಿದ್ದ ಶಾಲೆಗಳಿಗೆ ಸೇರಿಸಬೇಕೆ ಎಂಬ ಪ್ರಶ್ನೆ ಮೂಡುತ್ತಿದೆ.
ಈ ಸ್ಟೂಡೆಂಟ್ಸ್ ಗಳ ಫೈಟ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು ಛೀ ತೂ ಎಂದು ಸಾರ್ವಜನಿಕರು ಬಯ್ಯುತ್ತಿದ್ದಾರೆ.
ಈ ವಿದ್ಯಾರ್ಥಿನಿಯರು ಶಾಲಾ ಆವರಣದಲ್ಲೇ ಮಾರಾಮಾರಿ ಮಾಡುವ ಮೂಲಕ ಪ್ರಸಿದ್ದ ಶಾಲೆಗಳಿಗೆ ಮಸಿ ಬಳಿದಿದ್ದಾರೆ.
