ಬೆಂಗಳೂರು: ಕಾಂಗ್ರೆಸ್ ತನ್ನ ಮೂರನೆ ಪಟ್ಟಿಯನ್ನು ಶನಿವಾರ ಬಿಡುಗಡೆ ಮಾಡಿದ್ದು ಮಾಜಿ ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಅವರಿಗೆ ಕೋಲಾರ ಟಿಕೆಟ್ ಕೈ ತಪ್ಪಿದೆ.
ಸಿದ್ದು ಬಹಳ ನಿರೀಕ್ಷೆ ಇಟ್ಟುಕೊಂಡಿದ್ದ ಕೋಲಾರ ಕ್ಷೇತ್ರದಲ್ಲಿ ಡಿಕೆಶಿ ಆಪ್ತ ಕೊತ್ತನೂರು ಮಂಜುನಾಥ್ ಗೆ ಟಿಕೆಟ್ ನೀಡಲಾಗಿದೆ.
ಮೈಸೂರಿನ ಕೃಷ್ಣರಾಜ ಕ್ಷೇತ್ರಕ್ಕೆ ಎಂ.ಕೆ.ಸೋಮಶೇಖರ್, ಚಾಮರಾಜಕ್ಕೆ ಕೆ.ಹರೀಶ್ ಗೌಡರು ಕಾಂಗ್ರೆಸ್ ಅಭ್ಯರ್ಥಿಗಳು.
ಅರಸೀಕೆರೆ ಕ್ಷೇತ್ರಕ್ಕೆ ಜೆಡಿಎಸ್‌ ತೊರೆದು ಬಂದಿರುವ ಕೆ.ಎಂ.ಶಿವಲಿಂಗೇ ಗೌಡರಿಗೇ ಟಿಕೆಟ್ ಕೊಡಲಾಗಿದೆ.
ಅದೇ ರೀತಿ ಬಿಜೆಪಿ ಯಿಂದ ರೆಬೆಲ್ ಆಗಿ ಕಾಂಗ್ರೆಸ್‌ಗೆ ಬಂದಿರುವ ಲಕ್ಷ್ಮಣ ಸವದಿಗೆ ಅಥಣಿ ಟಿಕೆಟ್ ನೀಡಲಾಗಿದೆ
ಈ ಬಾರಿ ಪ್ರಮುಖ ಮಹಿಳಾ ಮುಖಂಡರಾದ ಮೋಟಮ್ಮ ತಮ್ಮ ಪುತ್ರಿ ನಯನಾಗೆ ಟಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿರುವುದು ವಿಶೇಷ.ಮೂಡಿಗೆರೆ ಕ್ಷೇತ್ರದಲ್ಲಿ ನಯನಾಗೆ ಟಿಕೆಟ್ ಕೊಡಲಾಗಿದೆ.
ಕಾಂಗ್ರೆಸ್ ಇನ್ನೂ 15 ಕ್ಷೇತ್ರಗಳಲ್ಲಿ ಟಿಕೆಟ್ ಪ್ರಕಟಿಸದೆ ಹಾಗೆಯೇ ಉಳಿಸಿಕೊಂಡಿದ್ದು ಕಾದು ನೋಡುವ ತಂತ್ರ ಅನುಸರಿಸಿದೆ.
ಒಟ್ಟಾರೆ ಸಿದ್ದು ಎರಡು ಕಡೆ ಸ್ಪರ್ಧಿಸುವ ಕನಸು ಭಗ್ನವಾಗಿದೆ.ಮುಂದೇನು ಮಾಡುವರೊ ಸಿದ್ದು ಕಾದುನೋಡಬೇಕಿದೆ.
