ಬೆ೦ಗಳೂರು : ಚಾಮರಾಜಪೇಟೆ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿಯಾದ ಭಾಸ್ಕರ ರಾವ್ ರವರು ಇಂದು ನಾಮ ಪತ್ರ ಸಲ್ಲಿಸಿದರು. ಬೆಳಿಗ್ಗೆ ಸಂಗಮ್ ವೃತ್ತದಿಂದ ಅಪಾರ ಜನಸ್ತೋಮ ದೊಂದಿಗೆ ಮೆರವಣಿಗೆಯ ಮೂಲಕ ತೆರಳಿ ಗೂಡ್ ಶೆಡ್ ರಸ್ತೆ ಯಲ್ಲಿರುವ ಮತದಾರ ನೋಂದಣಿ ಕಚೇರಿಯಲ್ಲಿ ನಾಮಪತ್ರವನ್ನು ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀ ಭಾಸ್ಕರ ರಾವ್ ರವರು ನಾನು ಚುನಾಯಿತರಾದರೆ, ಚಾಮರಾಜಪೇಟೆ ಸ್ವಚ್ಚಗೊಳಿಸುವುದು ಮತ್ತು ಅಭಿವೃದ್ಧಿಗೆ ಒತ್ತು ಪ್ರಮುಖ ಆದ್ಯತೆ.
ಕಳೆದ ಮೂರು ಅವಧಿಯಲ್ಲಿ ಹಾಲಿ ಶಾಸಕರು ಏನೂ ಮಾಡಿಲ್ಲ, ದಶಕಗಳಿಂದ ಚಾಮರಾಜಪೇಟೆಯಲ್ಲಿ ನೀರಿನ ಕೊರತೆ, ವಿದ್ಯುತ್ ಮೀಟರ್ ಇಲ್ಲ, ಒಳಚರಂಡಿ ಮತ್ತು ಒಳಚರಂಡಿ ವ್ಯವಸ್ಥೆಗಳ ಅಭಿವೃದ್ಧಿಯಿಲ್ಲದೆ, ರಸ್ತೆಗಳು ಮತ್ತು ಬೈ-ಲೈನ್‌ಗಳ ಸ್ಥಿತಿ ದಯನೀಯವಾಗಿದೆ.
ಕ್ಷೇತ್ರದಲ್ಲಿ ಸಾಕಷ್ಟು ಹಣವಿದ್ದರೂ ಅದನ್ನು ಶೀಘ್ರ ಅಭಿವೃದ್ಧಿಗೆ ಬಳಸಿಕೊಳ್ಳುವ ಇಚ್ಛಾಶಕ್ತಿ ಹಾಲಿ ಶಾಸಕರಿಗೆ ಇಲ್ಲ.ಜೊತೆಗೆ
ಆಧುನಿಕ ಶಾಲೆಗಳು, ಪಾದಚಾರಿ ಮಾರ್ಗ ಗಳು, ಉದ್ಯಾನವನಗಳ ಕೊರತೆಯು ಈ ಕ್ಷೇತ್ರಕ್ಕೆ ವರ್ಷಗಳಿಂದ ಕಾಡುತ್ತಿದೆ, ಚಾಮರಾಜಪೇಟೆಯ ಸರ್ವತೋಮುಖ ಅಭಿವೃದ್ಧಿಪಡಿಸಲು ಸಮರೋಪಾದಿ ಆಧಾರದ ಮೇಲೆ ಹೋರಾಟವನ್ನು ಕೈಗೊಳ್ಳುವುದಾಗಿ ಎಂದು ಅವರು ಹೇಳಿದರು.
ಈ ಸಂದರ್ಭದಲ್ಲಿ ರಾಜ್ಯ ಉಸ್ತುವಾರಿ ಗಳಾದ ಶ್ರೀಅರುಣ್‌ ಸಿಂಗ್‌, ಸಂಸದರಾದ ಪಿ.ಸಿ.ಮೋಹನ್‌, ಬೆಂಗಳೂರು ಕೇಂದ್ರ ಜಿಲ್ಲಾಧ್ಯಕ್ಷರಾದ ಮಂಜುನಾಥ್‌ ,ಜೊತೆಗೆ ಚಾಮರಾಜಪೇಟೆ ವಿಧಾನಸಭಾ ಕ್ಷೇತ್ರದ ಪದಾಧಿಕಾರಿಗಳು, ಮಾಜಿ ಬಿಬಿಎಂಪಿ ಸದಸ್ಯರುಗಳು, ಮುಂತಾದ ಬಿಜೆಪಿ ಪಕ್ಷದ ಪ್ರಮುಖ ಮುಖಂಡರು ಉಪಸ್ಥಿತರಿದ್ದರು. ಅಲ್ಲದೇ ಸಾವಿರಾರು ಸಂಖ್ಯೆಯಲ್ಲಿ ಕಾರ್ಯಕರ್ತರು ಉತ್ಸಾಹದಿಂದ ಪಾಲ್ಗೊಂಡಿದ್ದರು .
