(ವರದಿ:ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ)
ಚಾಮರಾಜನಗರ: ಆ್ಯಪೆ ವಾಹನ ಉರುಳಿದ ಪರಿಣಾಮ ಸ್ಥಳದಲ್ಲೆ ಒಬ್ಬ ಸಾವನ್ನಪ್ಪಿದ್ದು, ೮ ಜನರಿಗೆ ಗಾಯವಾಗಿದೆ.
ಮೂಡಲಗ್ರಹ ಗ್ರಾಮದ ಕೆಂಪರಾಜು ಮೃತ ವ್ಯಕ್ತಿ. ಮೂಡಲ ಅಗ್ರಹಾರದ ರಾಚಪ್ಪ,ಮಹೇಶ್,ಕುಮಾರ್, ಮಂಟೇಲಿಂಗ,ಪಿ.ಮರಳ್ಳಿಯ ದರ್ಶನ್, ಮಹದೇವಸ್ವಾಮಿ,ಉತ್ತುವಳ್ಳಿ ನಾಗರಾಜು, ಮಹದೇವಪ್ರಸಾದ್ ಗಾಯಗೊಂಡಿದ್ದಾರೆ.
ಉಗನೇದ ಹುಂಡಿಯಲ್ಲಿ ಮನೆಯೊಂದಕ್ಕೆ ತಾರಸಿ ಹಾಕಿ ವಾಪಸ್ ಬರುವಾಗ ಚಿಕ್ಕಕೆಂಪಿನ ಹುಂಡಿ ಸಮೀಪ ರಸ್ತೆ ತಿರುವಿನಲ್ಲಿ ಆಪೆ ವಾಹನ ಆಯಾ ತಪ್ಪಿ ಪಲ್ಟಿಯಾಗಿದೆ.
ಗಾಯಾಳುಗಳನ್ನು ಸಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಗ್ರಾಮಾಂತರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
