ಮೈಸೂರು: ಆಟ,ಊಟಕ್ಕೆ ಮನುಷ್ಯ ಅಷ್ಟೇ ಅಲ್ಲಾ,ಪ್ರಾಣಿಗಳಲ್ಲೂ ಇದೇ ರೀತಿ ಗಲಾಟೆ ನಡಯುವುದು ಅಚ್ಚರಿ ತಂದಿದೆ.
ಇದು ಏನು ಅಂತೀರ,ದಸರಾ ಗಜಪೆಯ ಆನೆಗಳೂ ಕೂಡಾ ಊಟದ ವೇಳೆ ಜಗಳ ಮಾಡಿ ಕೆಲ ಕಾಲ ಆತಂಕ ಸೃಷ್ಟಿಸಿದವು.
ಮೈಸೂರು ಅರಮನೆ ಆವರಣದಲ್ಲಿರುವ ದಸರಾ ಗಜಪಡೆಯ ಕಂಜನ್ ಹಾಗೂ ಧನಂಜಯ ಆನೆ ನಡುವೆ ಊಟ ಮಾಡುವಾಗ ಗಲಾಟೆ ನಡೆದಿದೆ.ಅದು ಏನಾಯಿತೊ ಧನಂಜಯ ಕಂಜನ್ ಮೇಲೆ ಕೋಪಗೊಂಡಿದ್ದ.
ಆಕ್ರೋಶಗೊಂಡ ಧನಂಜಯ ಕಂಜನ್ ಆನೆ ಮೇಲೆ ದಾಳಿಗೆ ಮುಂದಾಗಿ ಅಟ್ಟಿಸಿಕೊಂಡು ಹೋಗಿದೆ. ಇದರಿಂದ ಬೆದರಿದ ಕಂಜನ್ ಮಾವುತನಿಲ್ಲದೆ ಅರಮನೆಯಿಂದ ಆಚೆ ಓಡಿ ಬಂದಿದೆ.
ಆದರೂ ಬಿಡದ ಧನಂಜಯ ಕಂಜನ್ ಆನೆಯನ್ನು ಓಡಿಸಿಕೊಂಡು ಬಂದಿದೆ. ಇದರಿಂದ ಇನ್ನೂ ಗಾಬರಿಗೊಂಡ ಕಂಜನ್ ಬ್ಯಾರಿಕೇಡ್ ತಳ್ಳಿಕೊಂಡು ಹರಗೆ ಓಡಿ ಹೋಗಿದೆ.
ತಕ್ಷಣ ಧನಂಜಯ ಅನೆ ಮೇಲೆ ಇದ್ದ ಮಾವುತ ಧೈರ್ಯ ತೆಗೆದುಕೊಂಡು ಸಮಯಪ್ರಜ್ಞೆ ಮೆರೆದು ಕೋಪಗೊಂಡಿದ್ದ ಧನಂಜಯನನ್ನು ನಿಯಂತ್ರಣಕ್ಕೆ ತಂದು ಸಮಾಧಾನ ಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಧನಂಜಯ ಆಟಾಟೋಪ ನಿಂತ ಕೂಡಲೇ ಪಾಪ ಕಂಜನ್ ಆನೆ ಜನರ ಮುಂದೆಯೆ ನಿಂತುಕೊಂಡಿದೆ.
ನಂತರ ಕಂಜನ್ ಬಳಿ ಬಂದ ಮಾವುತ ಅರಮನೆ ಒಳಗೆ ಕರೆ ತಂದಿದ್ದಾನೆ, ಅರಣ್ಯ ಇಲಾಖೆ ಅಧಿಕಾರಿಗಳು, ಮಾವುತರ ಸಮಯಪ್ರಜ್ಞೆಯಿಂದ ಭಾರಿ ಅನಾಹುತ ತಪ್ಪಿದ್ದು,ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.
