ಮೈಸೂರು, ಅ. 4- ದಸರೆ ಹಾಗೂ ನವರಾತ್ರಿ ಉತ್ಸವದ ಸಂದರ್ಭದಲ್ಲಿ ನಗರದ ರಾಮ್‍ಸನ್ಸ್ ಕಲಾ ಪ್ರತಿಷ್ಠಾನವು ಬೊಂಬೆ ಮನೆ’ ಬೊಂಬೆಗಳ ಪ್ರದರ್ಶನವನ್ನು ಆಯೋಜಿಸಿದೆ. ಕಳೆದ 16 ವರ್ಷಗಳಿಂದ ಈಬೊಂಬೆ ಮನೆ’ ಪ್ರದರ್ಶನದ 16ನೇ ಅವತರಣಿಕೆಯು ಹೆಸರಾಂತ ಭರತನಾಟ್ಯ ಕಲಾವಿದ ದಂಪತಿ ಡಾ. ಅಂಜನಾ ಭೂಷಣ್ ಮತ್ತು ಬದರೀ ದಿವ್ಯ ಭೂಷಣ್ ಅವರು ಉದ್ಘಾಟಿಸಿದರು. ಇದರೊಂದಿಗೆ 3 ವಿಶೇಷ ಅಂಕಣಗಳನ್ನೂ ಸಹ ಅನಾವರಣಗೊಳಿಸಿದರು.
ಪ್ರತಿ ಬೊಂಬೆ ಮನೆ ಪ್ರದರ್ಶನದಲ್ಲಿ ವಿಶಿಷ್ಟ ಬೊಂಬೆಗಳ ಅಂಕಣಗಳನ್ನು ರಾಮ್‍ಸನ್ಸ್ ಕಲಾ ಪ್ರತಿಷ್ಠಾನವು ಆಯೋಜಿಸಿದ್ದು ಒಂದು ಸಂಪ್ರದಾಯದಂತೆ ಬೆಳೆದು ಬಂದಿದೆ.
ಮೈಸೂರಿನ ಸಂಸ್ಕøತಿ ವಿಶೇಷ, ದೇವಿ ಆರಾಧನೆಯ ವೈವಿಧ್ಯ, ವಿವಿಧ ಪ್ರಾಂತ್ಯಗಳ ಬೊಂಬೆ ಸಂಪ್ರದಾಯ – ಹೀಗೆ ಬೇರೆ ಬೇರೆ ವೈಖರಿಯ, ಸುಂದರ ಬೊಂಬೆಗಳ ದೃಶ್ಯಾವಳಿಯೇ ಈ ವಿಶೇಷ ಅಂಕಣಗಳು.
ರಾಮಾಯಣದ ಅಸಂಖ್ಯ ದೃಶ್ಯಾವಳಿಗಳು ಮನೆಮನೆಗಳನ್ನು ಅಲಂಕರಿಸಿವೆ. ಈ ವೈವಿಧ್ಯಮಯ ವರ್ಣರಂಜಿತ ಪಟಗಳ ಜೊತೆಗೆ ಬೊಂಬೆ ರಾಮಾಯಣದ ಅಂಕಣ ರಾಮ ಕಲಾ ಕಲ್ಪ’ ಮನೋಹರವಾಗಿದೆ. ಈ ವರ್ಷ ಕರ್ನಾಟಕದ ವಿವಿಧ ಪ್ರಾಂತ್ಯಗಳಲ್ಲಿ ಪೂಜಿಸಲ್ಪಡುವ ದೇವಿ ಗೌರಿಯ ನಾನಾ ರೂಪ, ಅಲಂಕಾರಗಳು, ಪೂಜಾ ವೈವಿಧ್ಯಗಳು, ಆಚಾರ, ಉಡುಗೆ, ತೊಡುಗೆ, ಹೆಸರು, ನೀತಿ, ನಿಯಮಗಳು - ಹೀಗೆ ಸಂಪ್ರದಾಯವನ್ನು ಬೊಂಬೆಗಳ ಮೂಲಕ ತೋರಿಸಲು ಯತ್ನಿಸಲಾಗಿದೆ. ಇದೇಗೌರಿ ಸೆಜ್ಜೆ’.
ಮೈಸೂರು ಮಹಾರಾಜರಿಗೆ ನಲ್ಮೆಯ ನೆನಕೆಯಾಗಿ ಬೊಂಬೆ ಮನೆಯ ಮಗದೊಂದು ವಿಶೇಷ ಅಂಕಣ ತಯಾರಾಗಿದೆ.
ಇದರೊಟ್ಟಿಗೆ 12 ರಾಜ್ಯಗಳಿಂದ ಸುಮಾರು 5 ಸಾವಿರ ಬೊಂಬೆಗಳನ್ನು ತರಿಸಲಾಗಿದೆ.
ಮಣ್ಣು, ಕಾಗದ ರಚ್ಚು, ಪ್ಲಾಸ್ಟರ್, ಮರ, ಗಾಜು, ಪಿಂಗಾಣಿ ಮತ್ತು ಲೋಹದಿಂದ ಮಾಡಿರುವ ಬೊಂಬೆಗಳ ಸಾಮ್ರಾಜ್ಯ ಅಣಿಯಾಗಿದೆ.
