ವರದಿ: ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ
ಚಾಮರಾಜನಗರ: ನೂತನ ವರ್ಷದ ಮೊದಲ ದಿನ ಪಾದಾಚಾರಿಗೆ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ ಆತ ಸಾವನ್ನಪ್ಪಿದ ಘಟನೆ ಗುಂಡ್ಲುಪೇಟೆ ಬೇಗೂರು ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ತೊಂಡವಾಡಿ ಗ್ರಾಮದ ಬಿಳಿಗಿರಿರಂಗನಾಯ್ಕ (50) ಸಾವನ್ನಪ್ಪಿದ ದುರ್ದೈವಿಯಾಗಿದ್ದಾನೆ.
ಬೇಗೂರಿನಿಂದ ಮೈಸೂರು ಕಡೆ ಹೋಗುವ ಮಾರ್ಗ ಮಧ್ಯೆ ಇರುವ ತೊಂಡವಾಡಿ ಗೇಟಿನ ಮುಂಭಾಗ ಅಪಘಾತ ನಡೆದಿದೆ. ಬಂಡೀಪುರದಿಂದ ಬೆಂಗಳೂರಿಗೆ ತೆರಳುತ್ತಿದ್ದ ಪ್ರವಾಸಿಗರ ವಾಹನ ವ್ಯಾಗನ್ ಆರ್ ಡಿಕ್ಕಿ ಹೊಡೆದಿದೆ.
ಬೇಗೂರು ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮಕೈಗೊಂಡಿದ್ದಾರೆ.
ಅಪಘಾದ ಪ್ರಕರಣದಲ್ಲಿ ಜಿಲ್ಲೆಯಲ್ಲಿ ಸಾವನ್ನಪ್ಪಿದ ಮೊದಲ ಸಾವಿನ ಪ್ರಕರಣ ಇದಾಗಿದೆ
ಜಿಲ್ಲೆಯಲ್ಲಿ 2021ರಲ್ಲಿ ಮೊದಲ ದಿನ ನಡೆದ ಅಪಘಾತದಲ್ಲಿನ ಸಾವು ಇದಾಗಿದೆ.
