ಮೈಸೂರು, ಸೆ. 27- ಮನೆಯ ಸಂಪ್‍ಗೆ ಅಳವಡಿಸಿದ್ದ ವಾಟರ್ ಮೋಟಾರ್ ಕಳ್ಳವು ಮಾಡುತ್ತಿದ್ದ ಆರೋಪಿಯೊಬ್ಬನನ್ನು ನಗರದ ಆಲನಹಳ್ಳಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ನಗರದ ಶಾಂತಿ ನಗರದ ವಾಸಿ ಮೊಹಮ್ಮದ್ ಸಲೀಂ (29) ಬಂಧಿತ ಆರೋಪಿ.
ಆರೋಪಿಯಿಂದ ಪೊಲೀಸರು 50 ಸಾವಿರ ರೂ. ಬೆಲೆ ಬಾಳುವ 11 ವಾಟರ್ ಮೋಟಾರುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಈತನ ಬಂಧನದಿಂದ ಆಲನಹಳ್ಳಿ ಪೊಲೀಸ್ ಠಾಣೆಯ 4 ಪ್ರಕರಣಗಳು ಮತ್ತು ನಜರ್‍ಬಾದ್ ಪೊಲೀಸ್ ಠಾಣೆಯ 1 ಪ್ರಕರಣ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಡಿ.ಸಿ.ಪಿ. ಗೀತ ಪ್ರಸನ್ನ ಮಾಗದರ್ಶನದಲ್ಲಿ ದೇವರಾಜ ವಿಭಾಗದ ಎಸಿಪಿ ಎಂ.ಎನ್ ಶಶಿಧರ್ ರವರ ನೇತೃತ್ವದಲ್ಲಿ ಆಲನಹಳ್ಳಿ ಪೊಲೀಸ್ ಠಾಣೆ ಇನ್ಸ್‍ಪೆಕ್ಟರ್ ಹೆಚ್. ಹರಿಯಪ್ಪ, ಪಿ.ಎಸ್.ಐ ಟಿ.ಎಸ್. ಮಹೇಂದ್ರ, ಎ.ಎಸ್.ಐ ಹೆಚ್.ಕೆ. ಶ್ರೀಧರ, ಸಿಬ್ಬಂದಿಗಳಾದ ಟಿ.ಸಿ. ಶ್ರೀಧರ, ಜಿ. ಶಿವಪ್ರಸಾದ್ ಆರೋಪಿಯನ್ನು ಬಂಧಿಸಿದ್ದಾರೆ.
