ವರದಿ:ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ
ಚಾಮರಾಜನಗರ: ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ ಎಎಸ್ಐ ಒಬ್ಬರಿಗೆ ತೀವ್ರತರನಾದ ಗಾಯವಾಗಿದೆ.
ಮಹದೇಶ್ವರ ಬೆಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಬ್ಜಲ್ ಬೇಗ್ ಎಂಬುವವರಿಗೆ ಪೆಟ್ಟಾಗಿದ್ದು ಅವರನ್ನ ಚಾಮರಾಜನಗರ ಸಿಮ್ಸ್ ಗೆ ದಾಖಲಿಸಲಾದರೂ ಪ್ರಯೋಜನವಾಗದೆ ಇದ್ದದ್ದರಿಂದ ಮೈಸೂರಿನ ಖಾಸಗೀ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಬುಧವಾರ ರಾತ್ರಿ ವೇಳೆ ಚಿಕ್ಕಲ್ಲೂರು ಜಾತ್ರೆಯ ಕರ್ತವ್ಯ ಮುಗಿಸಿ ಚಾಮರಾಜನಗರ ನಿವಾಸಕ್ಕೆ ಬರುತ್ತಿದ್ದಾಗ ಸಂತೆಮರಳ್ಳಿ ಸಮೀಪದ ಮಂಗಲ ಗ್ರಾಮದ ಹತ್ತಿರ ಈ ದುರ್ಘಟನೆ ಸಂಭವಿಸಿದೆ. ವಾಹನವೊಂದು ಅಪಘಾತ ಮಾಡಿ ಹೋಗಿದೆ.
ಸಂಚಾರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
