ಮಂತ್ರಾಲಯ: ಮೈಸೂರು ಮಹಾ ನಗರ ಬಿ.ಜೆ.ಪಿ ವತಿಯಿಂದ ಚಂದ್ರಯಾನ 3 ಯಶಸ್ವಿಯಾಗಿ ಚಂದ್ರನ ಮೇಲೆ ಇಳಿಯ ಬೇಕೆಂದು ಪ್ರಾರ್ಥಿಸಿ ಮಂತ್ರಾಲಯದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು.
ಬಿಜೆಪಿ ನಗರ ಅಧ್ಯಕ್ಷರು ಹಾಗೂ ಶಾಸಕರಾದ ಶ್ರೀ ವತ್ಸ ಹಾಗೂ ಪದಾಧಿಕಾರಿಗಳು ಬುಧವಾರ ಮಂತ್ರಾಲಯ ದಲ್ಲಿ ಶ್ರೀ ಗುರು ರಾಯರ ಸನ್ನಿಧಿಯಲ್ಲಿ ವಿಶೇಷ ಪೂಜೆ ನೆರವೇರಿಸಿದರು.
ಚಂದ್ರಯಾನ 3 ಯಶಸ್ಸಿಗೆ ಮೈಸೂರು ನಗರ ಬಿಜೆಪಿ ಸದಸ್ಯರು ಗುರು ರಾಯರ ಮೊರೆ ಹೋಗಿದ್ದಾರೆ.
ಈ ವಿಶೇಷ ಪೂಜೆಯಲ್ಲಿ ಮೈಸೂರಿನಿಂದ 82 ಮಂದಿ ಬಿಜೆಪಿ ಸದಸ್ಯರು ಪಾಲ್ಗೊಂಡು ಶ್ರೀ ಗುರು ರಾಯರಲ್ಲಿ ಪ್ರಾರ್ಥನೆ ಸಲ್ಲಿಸಿದರು.
ಮಂಗಳವಾರ ಮೈಸೂರು ರೈಲ್ವೆ ನಿಲ್ದಾಣದಿಂದ ಬಿಜೆಪಿ ಮೈಸೂರು ವಿಭಾಗ ಪ್ರಭಾರಿ ಮೈ.ವಿ.ರವಿಶಂಕರ್ ನೇತೃತ್ವದಲ್ಲಿ ಹೊರಟ ಬಿಜೆಪಿ ಸದಸ್ಯರು ಬುಧವಾರ ಮಂತ್ರಾಲಯ ತಲುಪಿ ಪೂಜೆ ನೆರವೇರಿಸಿದ್ದಾರೆ.
