ಮೈಸೂರು: ಕೊರೋನ ಸೋಂಕಿಗೆ ಕೆ.ಆರ್. ನಗರ ಆದಿಚುಂಚನಗಿರಿ ಸ್ವಾಮೀಜಿ (62) ನಿಧನರಾಗಿದ್ದಾರೆ.
ಮೈಸೂರು ಜಿಲ್ಲೆ ಕೆ.ಆರ್.ನಗರ ತಾಲೂಕಿನ ಚುಂಚನಕಟ್ಟೆ ಆದಿಚುಂಚನಗಿರಿ ಶಾಖಾ ಮಠದ ಸ್ವಾಮೀಜಿ ಶಿವನಂದಾ ಸ್ವಾಮೀಜಿ ನಿಧನರಾದವರು.
ಕಳೆದ ಎರಡು ದಿನದ ಹಿಂದೆ ಮಂಡ್ಯ ಜಿಲ್ಲೆಯ ನಾಗಮಂಗಲದ ಬೆಳ್ಳೂರು ಕ್ರಾಸ್ ಆಸ್ವತ್ರೆಗೆ ಕೊರೊನಾ ಸೋಂಕಿನ ಚಿಕಿತ್ಸೆಗಾಗಿ ಶ್ರೀಗಳು ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ನಿಧನರಾಗಿದ್ದಾರೆ.
ಕಳೆದ 25 ವರ್ಷಗಳಿಂದ ಶ್ರೀಗಳು ಆದಿ ಚುಂಚನಗಿರಿ ಚುಂಚನಕಟ್ಟೆ ಶಾಖ ಮಠದಲ್ಲಿ ಸ್ವಾಮಿಜಿಯಾಗಿ ಕಾರ್ಯ ನಿರ್ವಹಣೆ ಮಾಡಿ, ಅನಾಥಾಶ್ರಮದ ಅಭಿವೃದ್ದಿ, ವಿದ್ಯಾರ್ಥಿಗಳ ವಸತಿ ನಿಲಯ, ಬಿಜಿಎಸ್ ಸಂಸ್ಥೆ 1ರಿಂದ 12ನೇ ತರಗತಿ, ಆದಿ ಚುಂಚನಗಿರಿ ಸಮುದಾಯ ಭವನ, ನಿರ್ಮಿಸಿ ಮಠದ ಏಳ್ಗೆಗಾಗಿ ಅವಿರತವಾಗಿ ಶ್ರಮಿಸಿದ್ದರು.
