(ವರದಿ:ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ)
ಚಾಮರಾಜನಗರ: ತಾಂತ್ರಿಕ ದೋಷ ಉಂಟಾದ ಕಾರಣ ಲಘು ವಿಮಾನ ಪಥನಗೊಂಡು ಸುಟ್ಟು ಹೋಗಿರುವ ಘಟನೆಯು ಚಾಮರಾಜನಗರದ ಮಂಗಲ ಗ್ರಾಮ ವ್ಯಾಪ್ತಿಯಲ್ಲಿ ನಡೆದಿದೆ.
ಬಹುಶಃ ತಾಂತ್ರಿಕ ಕಾರಣ ಉಂಟಾದ್ದರಿಂದ ಹಾರಾಡುತ್ತಿದ್ದ ವಿಮಾನದಲ್ಲಿ ಬೆಂಕಿ ಕಾಣಿಸಿಕೊಂಡು ಪಥನವಾಗಿದೆ.
ಅದೃಷ್ಟವಶಾತ್ ಬೆಂಕಿ ಕಾಣಿಸಿಕೊಂಡ ಕೂಡಲೇ ಪೈಲೆಟ್ ಗಳಿಬ್ಬರೂ ಪ್ಯಾರೆಚೂಟ್ ಮೂಲಕ ಕೆಳಗೆ ಹಾರಿದ್ದಾರೆ.
ಬೆಂಕಿ ಕಾಣಿಸಿಕೊಂಡ ವಿಮಾನ ನೆಲಕ್ಕೆ ಬಿದ್ದು ಸುಟ್ಟು ಕರಕಲಾಗಿದೆ.
ಎಚ್ ಎ ಎಲ್ ನ ಈ ಲಘು ವಿಮಾನ ಸೈನ್ಯಕ್ಕೆ ಸೇರಿದ್ದು,ಪೈಲೆಟ್ ಗಳಾದ ಜೇತ್ ಪಾಲ್, ಭೂಮಿಕಾ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಸ್ಥಳಕ್ಕೆ ಪೊಲೀಸರು, ಅಗ್ನಿಶಾಮಕ ದಳದ ಸಿಬ್ಬಂದಿ ಆಗಮಿಸಿ ಪೈಲಟ್ ಗಳ ನೆರವಿಗೆ ನಿಂತಿದ್ದಾರೆ.
