ವರದಿ:ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ
ಚಾಮರಾಜನಗರ: ಮನೆಗಳ್ಳನೊಬ್ಬನನ್ನು ಬಂಧಿಸಿ ಆತನಿಂದ 6.14 ಲಕ್ಷದ ಚಿನ್ನಾಭರಣ, ಮೊಬೈಲ್, ನಗದು ವಶಪಡಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾ ಎಸ್ಪಿ ದಿವ್ಯ ಅವರು ತಿಳಿಸಿದರು.
ಚಾಮರಾಜನಗರದಲ್ಲಿ ಶನಿವಾರ ಸುದ್ದಿ ಗೋಷ್ಠಿ ನಡೆಸಿ ಅವರು ಮಾತನಾಡಿದರು.
ಅ. 5ರಂದು ಕುದೇರು ಠಾಣಾ ವ್ಯಾಪ್ತಿಯ ಯಲಕ್ಕೂರು ಗ್ರಾಮದ ಮಂಜುನಾಥ್ ಶೆಟ್ಟಿ ಎಂಬುವವರ ಮನೆಯಲ್ಲಿ ಕಳ್ಳತನವಾದ ಬಗ್ಗೆ ದೂರು ದಾಖಲಾಗಿತ್ತು.
ಅ. 30ರಂದು ಅದೇ ಗ್ರಾಮದ ಶಿವಶಂಕರ್ ಎಂಬುವವರನ್ನ ಪೊಲೀಸರು ದಸ್ತಗಿರಿ ಮಾಡಿ ಆತನಿಂದ ಚಿನ್ನದ ಮಾಂಗಲ್ಯಸರ, ಚೈನ್, ಉಂಗುರ ತಾಳಿಪೀಸ್, ಗುಂಡು, ಓಲೆ ಸೇರಿದಂತೆ 116 ಗ್ರಾಂ ತೂಕದ 5.20 ಲಕ್ಷ ರೂ ಬೆಲೆಯ ಚಿನ್ನ, 64 ಸಾವಿರ ನಗದು, 30 ಸಾವಿರ ಮೌಲ್ಯದ ಎರಡು ಮೊಬೈಲ್, ಆರೋಪಿ ಕುಕೃತ್ಯಕ್ಕೆ ಬಳಸಿದ್ದ ಸ್ಕ್ರೂ ಡ್ರೈವರ್ ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಕಾರ್ಯಾಚರಣೆಯಲ್ಲಿ ವೃತ್ತ ಆರಕ್ಷಕ ಪುಟ್ಟಸ್ವಾಮಿ, ಇನ್ಸ್ ಪೆಕ್ಟರ್ ಸ್ವಾಮಿ, ಮುಖ್ಯಪೇದೆಗಳಾದ ರವಿ, ಬಂಟಪ್ಪ, ಕಿಶೋರ್, ಅಕ್ಬರ್ ಅಲಿ, ಪೇದೆಗಳಾದ ವಿಜಯ್ ಕುಮಾರ, ಚಾಲಕ ಶಂಕರಗುರು, ಸೈಬರ್ ವಿಭಾಗದ ಸಿಬ್ಬಂದಿ ಶಂಕರರಾಜು, ವೆಂಕಟೇಶ್ ಅವರು ಭಾಗವಹಿಸಿದ್ದರು.
ಸುದ್ದಿಗೋಷ್ಠಿಯಲ್ಲಿ ಎಎಸ್ಪಿ ಸುಂದರರಾಜು, ಡಿವೈಸ್ಪಿ ಪ್ರಿಯದರ್ಶಿನಿ ಶ್ಯಾನಿಕೊಪ್ಪ ಸೇರಿದಂತೆ ಇನ್ನಿತ ಪೊಲೀಸ್ ಅಧಿಕಾರಿಗಳು ಉಪಸ್ಥಿತರಿದ್ದರು.
