ಮಟಕಾ ಕಿಂಗ್ ಪಿನ್ ಬಂಧನ

ಬೆಳಗಾವಿ: ಮಟಕಾ ಕಿಂಗ್ ಪಿನ್ ಒಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.
ಶಫಿ ತಹಶೀಲ್ದಾರ ಬಂಧಿತ ಮಟಕಾ ಕಿಂಗ್ ಪಿನ್.
ನಗರದ ಖಂಜರ ಗಲ್ಲಿಯಲ್ಲಿ ಅವ್ಯಾಹತವಾಗಿ ನಡೆಯುತ್ತಿದ್ದ ಮಟಕಾ ಅಡ್ಡೆಯ ಮೇಲೆ ಪೊಲೀಸರು ದಾಳಿ ಮಾಡಿ ಮಟಕಾ ಕಿಂಗ್ ಪಿನ್ ಶಫಿ ತಹಶೀಲ್ದಾರ ಹಾಗೂ ದಂಧೆಯಲ್ಲಿ ತೊಡಗಿದ್ದ 23 ಮಂದಿಯನ್ನು ವಶಕ್ಕೆ ಪಡೆದು, ಅವರು ಮಟಕಾ ದಂಧೆಗೆ ಬಳಸುತ್ತಿದ್ದ 15 ಮೊಬೈಲ್, ಮಟಕಾ ಚೀಟಿ, 2,11,910 ರೂ. ಹಣವನ್ನು ವಶಪಡಿಸಿಕೊಂಡಿದ್ದಾರೆ.
ಡಿಸಿಪಿ ವಿಕ್ರಂ ಅಮಟೆ ನೇತೃತ್ವದಲ್ಲಿ ಈ ದಾಳಿ ನಡೆದಿದೆ.
ಈ ಬಗ್ಗೆ ಮಾರ್ಕೆಟ್ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.