ಮೈಸೂರು: ಇಬ್ಬರು ಸರಗಳ್ಳರನ್ನು ಮೈಸೂರು ಗ್ರಾಮಾಂತರ ಠಾಣೆ ಪೆÇಲೀಸರು ಬಂಧಿಸಿದ್ದಾರೆ.
ನಗರದ ಆರ್.ಎಸ್.ನಾಯ್ಡು ನಗರದ ಸನ್ನಿ ಡೊನಾಲ್ಡ್ (28) ಹಾಗೂ ಹಿನಕಲ್ ನ ಕಿರಣ್ (22) ಬಂಧಿತ ಸರಗಳ್ಳರು.
ಬಂಧಿತರಿಂದ ಪೊಲೀಸರು 5 ಚಿನ್ನದ ಸರಗಳನ್ನು ಹಾಗೂ ಕೃತ್ಯಕ್ಕೆ ಬಳಸಿದ ಒಂದು ಬೈಕ್ ನ್ನು ವಶಕ್ಕೆ ಪಡೆದಿದ್ದಾರೆ.
ಮೈಸೂರಿನ ಮಂಡಿ ಮೊಹಲ್ಲಾದಲ್ಲಿ ಇಬ್ಬರು ಸರಗಳ್ಳರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಪೊಲೀಸರಿಗೆ ದೊರತ ಮಾಹಿತಿ ಮೇರೆಗೆ ನಗರದ ಮಂಡಿ ಮೊಹಲ್ಲಾದಲ್ಲಿ ಈ ಇಬ್ಬರು ಸರಗಳ್ಳರನ್ನು ಮೈಸೂರು ಗ್ರಾಮಾಂತರ ಪೆÇಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಬಂಧಿತರು ಆ. 20ರಂದು ಮೈಸೂರು ತಾಲ್ಲೂಕಿನ ಸೋಮನಾಥ ನಗರದಲ್ಲಿ ಶಾಂತರತ್ನಾ ಎಂಬುವರು ಧರಿಸಿದ್ದ ಚಿನ್ನದ ಸರವನ್ನು ಕಸಿದು ಪರಾರಿಯಾಗಿದ್ದಾಗಿ ಒಪ್ಪಿಕೊಂಡಿದ್ದಾರೆ.
ಎಸ್ಪಿ ಸಿ.ಬಿ.ರಿಷ್ಯಂತ್ ಮಾರ್ಗದರ್ಶನ ದಲ್ಲಿ ಗ್ರಾಮಾಂತರ ಡಿವೈಎಸ್ಪಿ ಸುಮಿತ್, ಸಿಪಿಐ ಜೀವನ್, ಪಿಎಸ್ ಐ ಗಳಾದ ವನರಾಜು, ಮೋಹನ್ ಕುಮಾರ್, ಸದಾಶಿವ ತಿಪ್ಪಾರೆಡ್ಡಿ, ಸಿಬ್ಬಂದಿಗಳಾದ ಜಗದೀಶ್, ಅಶೋಕ್, ಸತೀಶ್, ರವಿ, ತಿಮ್ಮಯ್ಯ, ನಂಜುಂಡಸ್ವಾಮಿ, ಪ್ರಸನ್ನಕುಮಾರ್, ಮೋಹನ್, ಗಿರೀಶ್, ಅರುಣೇಶ್, ರಾಘವೇಂದ್ರ ಅವರುಗಳು ಕಾರ್ಯಾಚರಣೆ ನಡೆಸಿ ಸರಗಳ್ಳರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
