ಮೊಲಗಳ ಬೇಟೆಯಾಡುತ್ತಿದ್ದ ನಾಲ್ವರ ಬಂಧನ

ಬಾಗಲಕೋಟೆ: ಬಾಗಲಕೋಟೆ ಪ್ರಾದೇಶಿಕ ಅರಣ್ಯ ವಲಯದ ವ್ಯಾಪ್ತಿಯ ಅರಣ್ಯ ಪ್ರದೇಶಗಳಲ್ಲಿ ಮೊಲಗಳನ್ನು ಬೇಟೆಯಾಡುತ್ತಿದ್ದ ನಾಲ್ವರನ್ನು ಸಹಾಯಕ ಅರಣ್ಯ ಸಂರಕ್ಷಣಧಿಕಾರಿ ಎ.ಎಸ್.ನೇಗಿನಾಳ ನೇತೃತ್ವದ ತಂಡ ಬಂಧಿಸಿದೆ.
ಅರಣ್ಯ ಪ್ರದೇಶಗಳಲ್ಲಿ ಮೊಲಗಳನ್ನು ಬೇಟೆಯಾಡುವ ಬಗ್ಗೆ ದೊರೆತ ಖಚಿತ ಮಾಹಿತಿಯೊಂದಿಗೆ ತಾಲೂಕಿನ ಸಂಗಾಪೂರ ಕ್ರಾಸ್ ಬಳಿಯ ಸರ್ವೆ ನಂ.45ರಲ್ಲಿ ದಾಳಿ ನಡೆಸಲಾಗಿ 6 ಮೊಲಗಳನ್ನು ಬೇಟೆಯಾಡಿ ಕೂಡಿಟ್ಟಿದ್ದ ನಾಲ್ಕು ಜನರನ್ನು ಮಾಲು ಸಮೇತ ಬಂಧಿಸಲಾಗಿದೆ.
ದಾಳಿ ತಂಡದಲ್ಲಿ ವಲಯ ಅರಣ್ಯ ಅಧಿಕಾರಿ ವಿ.ಕೆ.ರೂಪ, ಉಪ ವಲಯ ಅರಣ್ಯ ಅಧಿಕಾರಿಗಳಾದ ಎ.ಎಂ.ಅಲಿಯಾರ, ಅನೀಲಕುಮಾರ ರಾಠೋಡ, ಪ್ರಶಾಂತ ಹಾಗೂ ಸಿಬ್ಬಂದಿಗಳು ಇದ್ದರು.