ಮೈಸೂರು: ಮೈಸೂರಿನ ಜನರೇ ನಿಮ್ಮ ಮನೆಯ ಮುಂದೆ ದ್ವಿಚಕ್ರ ವಾಹನಗಳು ಸೇರಿದಂತೆ ಯಾವುದೇ ವಾಹನಗಳನ್ನು ನಿಲ್ಲಿಸುತ್ತಿದ್ದರು ಹಾಗಿದ್ದರೆ ಈಗಿನಿಂದಲೇ ಎಚ್ಚೆತ್ತುಕೊಳ್ಳಿ.
ಏಕೆಂದರೆ ಇಲ್ಲೊಬ್ಬ ಕತರ್ನಾಕ್ ಕಳ್ಳ ಇದ್ದಾನೆ. ಈತ ರಾತ್ರಿ ಸಮಯದಲ್ಲಿ ರಸ್ತೆಗಳಲ್ಲಿ ಅಡ್ಡಾಡುತ್ತಾ ಮನೆಯ ಮುಂದೆ ನಿಲ್ಲಿಸಿರುವ ವಾಹನಗಳನ್ನು ತಡಕಾಡುತ್ತಾನೆ.
ಒಂದು ವೇಳೆ ವಾಹನದಲ್ಲೇನಾದರೂ ಜಾಕೆಟ್, ರೈನ್ ಕೋಟ್, ಕೂಲಿಂಗ್ ಗ್ಲಾಸ್ ಸೇರಿದಂತೆ ಯಾವುದೇ ವಸ್ತುಗಳನ್ನು ನೀವು ವಾಹನದಲ್ಲೇ ಇಟ್ಟುಬಿಟ್ಟಿದ್ದರೆ ಮುಗಿಯಿತು. ಈ ಐನಾತಿ ಕಳ್ಳ ಇವುಗಳನ್ನು ದೋಚಿಕೊಂಡು ಹೋಗಿ ಬಿಡುತ್ತಾನೆ.
ಅಷ್ಟೇ ಅಲ್ಲ ದ್ವಿಚಕ್ರವಾಹನದ ಟ್ಯಾಂಕ್ ತೆಗೆದು ಪೆಟ್ರೋಲ್ ಕೂಡಾ ಕಳ್ಳತನ ಮಾಡುತ್ತಾನೆ.
ಹಾಗಾಗಿ ಮನೆ ಮುಂದೆ ನಿಲ್ಲಿಸುವ ವಾಹನಗಳ ಬಗ್ಗೆ ಮಾಲಿಕರು ಎಚ್ಚರಿಕೆಯಿಂದ ಇರುವ ಅಗತ್ಯವಿದೆ.
ಇದಕ್ಕೆ ಉದಾಹರಣೆ ಎಂದರೆ ಕೆಆರ್ ಮೊಹಲ್ಲಾದ ಕತ್ವಾಡಿಪುರ ಅಗ್ರಹಾರ ಎರಡನೇ ಕ್ರಾಸ್ ನಲ್ಲಿ ಈ ಐನಾತಿ ಕಳ್ಳ ಮನೆ ಮುಂದೆ ನಿಲ್ಲಿಸಿದ್ದ ದ್ವಿಚಕ್ರ ವಾಹನಗಳನ್ನು ತಡಕಾಡುತ್ತಿದ್ದುದು ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಯಾರದೋ ಮನೆಯಲ್ಲಿ ಏನೋ ಶಬ್ದ ಕೇಳಿ ಬಂದಿದೆ. ತಕ್ಷಣ ದ್ವಿಚಕ್ರ ವಾಹನದಿಂದ ತೆಗೆದ ಹೆಲ್ಮಟ್ ಅನ್ನು ಅಲ್ಲೇ ಕಾಂಪೌAಡ್ ಮೇಲೆ ಇಟ್ಟು ಓಡಿ ಬರುವ ದೃಶ್ಯ ಕೂಡಾ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.
ಕಡೆಗೆ ವಾಹನಗಳಲ್ಲಿ ಏನೂ ಸಿಗದಿದ್ದರೆ ಸೀಟ್ ಅನ್ನು ಬ್ಲೇಡ್ ನಿಂದ ಕತ್ತರಿಸಿ ಪರಾರಿ ಆಗುತ್ತಾನೆ.
