ಮೈಸೂರು: ನಾದ ನಿಧಿ, ಗಾನಗಂಧರ್ವ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಅವರ ನಿಧನದಿಂದ ತುಂಬ ದುಃಖವಾಗಿದೆ ಎಂದು ಅವಧೂತ ದತ್ತ ಪೀಠಾಧಿಪತಿ ಶ್ರೀ ಗಣಪತಿ ಸಚ್ಚಿದಾನಂದ ಸ್ವಾಮೀಜಿ ಸಂತಾಪ ವ್ಯಕ್ತಪಡಿಸಿದ್ದಾರೆ. .
ಅನೇಕ ಪ್ರಕಾರದ, ಭಾವಪೂರ್ಣ ಹಾಡುವಿಕೆಯಿಂದ ನಾದ ಸೇವೆಯನ್ನು ಮಾಡಿ ಸಹಸ್ರ ಸಹಸ್ರ ಶ್ರೋತೃಗಳ ಹೃದಯದಲ್ಲಿ ಚಿರಂಜೀವಿಯಾಗಿದ್ದಾರೆ. ಅವರ ಸರಳತೆ, ಸಂಗೀತವು ಅತಿ ಸಾಮಾನ್ಯನಿಗೂ ರಂಜಿಸಬೇಕೆಂಬ ಪ್ರಯತ್ನ ಶಾಘನೀಯ ಎಂದಿದ್ದಾರೆ ಶ್ರೀಗಳು.
ಆಶ್ರಮದ ನಾದ ಮಂಟಪದಲ್ಲಿ ಅನೇಕ ಸಾರಿ ಬಾಲು ಅವರ ಸಿರಿಕಂಠದ ಹಾಡಿದ ಹಾಡುಗಳು ಮೈಸೂರಿನ ಸಂಗೀತ ಶ್ರೋತೃಗಳ, ದತ್ತ ಭಕ್ತರ ಹೃದಯದಲ್ಲಿ ಎಸ್.ಪಿಬಿ ಅವರ ಕಂಠಸಿರಿ ಅಜರಾಮರವಾಗಿದೆ ಎಂದು ಗಣಪತಿ ಶ್ರೀಗಳು ತಿಳಿಸಿದ್ದಾರೆ.
ಶ್ರೀ ಸ್ವಾಮೀಜಿಯವರು ರಚಿಸಿರುವ ಭಜನ ವೈಭವಮ್ ಎಂಬ ಭಜನೆಗಳನ್ನೊಳಗೊಂಡ ಧ್ವನಿ ಸುರುಳಿಯನ್ನು ಸಮರ್ಪಿಸಿ ಕೃತಾರ್ಥರಾಗಿದ್ದಾರೆ.
ಬಾಲಸುಬ್ರಹ್ಮಣ್ಯಂ ಅವರ ಅಗಲಿಕೆಯಿಂದ ಸಂಗೀತ ಲೋಕಕ್ಕೆ ತುಂಬಲಾರದ ನಷ್ಟವಾಗಿದೆ. ಭಗವಂತನು ಅವರಿಗೆ ಸದ್ಗತಿಯನ್ನು ಕರುಣಿಸಿ. ಅವರ ಕುಟುಂಬ ವರ್ಗಕ್ಕೆ, ಅಪಾರ ಅಭಿಮಾನಿಗಳಿಗೆ ಸ್ಥೈರ್ಯ ನೀಡಲೆಂದು ಪ್ರಾರ್ಥಿಸುತ್ತೇವೆ ಎಂದಿದ್ದಾರೆ ಗಣಪತಿ ಶ್ರೀಗಳು.
