ಯುವಕನ ಕೊಲೆ: ಕೆಲವೇ ಸಮಯದಲ್ಲಿ ಆರೋಪಿ ಬಂಧನ

ಮೈಸೂರು: ಯುವಕನನ್ನು ಕೊಲೆ ಮಾಡಿದ್ದ ಆರೋಪಿಯನ್ನು ಮೈಸೂರಿನ ವಿಜಯನಗರ ಠಾಣೆ ಪೊಲೀಸರು ಘಟನೆ ನಡೆದ ಕೆಲವೇ ಸಮಯದಲ್ಲಿ ಬಂಧಿಸುವಲ್ಲಿ ಯಶಸ್ವಿ ಆಗಿದ್ದಾರೆ.
ನಗರದ ಮಂಚೇಗೌಡನ ಕೊಪ್ಪಲಿನ ನಿವಾಸಿ ಚಿರಂತ್ (19) ಕೊಲೆಗಿಡಾದ ಯುವಕ.
ಚಿರಂತ್ ನನ್ನು ಕೊಲೆ ಮಾಡಿದ ಆರೋಪದಡಿ 27 ವರ್ಷದ ಮನೋಜ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.
ನಗರದ ವಿಜಯನಗರದ ಕೃಷ್ಣದೇವರಾಯ ವೃತ್ತದಲ್ಲಿ ಚಿರಂತ್‍ನನ್ನು ತಡೆದ ಮನೋಜ್ ಚಾಕುವಿನಿಂದ ನಿಂದ ಇರಿದಿದ್ದಾನೆ.
ವಿಷಯ ತಿಳಿದ ಪೊಲೀಸರು ಕೊಲೆ ನಡೆದ ಕೆಲವೇ ಸಮಯದಲ್ಲಿ ಮಂಚೇಗೌಡನ ಕೊಪ್ಪಲಿನ ವಾಸಿ ಮನೋಜ್ ನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಹಳೆ ದ್ವೇಷದ ಹಿನ್ನೆಲೆಯಲ್ಲಿ ಮಂಗಳವಾರ ರಾತ್ರಿ ಚಿರಂತ್ ನನ್ನು ಮನೋಜ್ ಇರಿದು ಕೊಲೆ ಮಾಡಿದ್ದಾನೆಂದು ಪೊಲೀಸರು ತಿಳಿಸಿದ್ದಾರೆ.